Tontolo iray makarakara,
\nka azon’ny olon-drehetra atao ny miditra hanoro, hibedy, handrahona…
\nazon’ny olon-drehetra atao ny mitsofoka amin’itsy sy ho an’iroa :
\nny asa, ny fahasalamana, ny toe-bolan’ny mpianakavy,
\nny isan’ny ankizy…
\nizay tafiditra ao, avy dia mihevi-tena ho mpiandraikitra ny fanahy, ny vatana sy ny fo.<\/p>\n
Jeren’ny ankizy daholo ireny olona rehetra
\nmifandimby miditra ao aminy ireny,
\nny sasany mitrerona ny rainy, ny sasany manoro hevitra ny reniny,
\nny sasany mandrahona an’izy mivady:
\n\u201cIanao mampirafy\u201d, \u201cIanao mandany vola loatra\u201d,
\nary mandrakariva dia miampy ny hoe:
\n\u201c…tsy ho ahy akory izany, tsy raharahako mihitsy….
\nfa ho an’ny zanakareo.
\nRaha tsy miova ianareo dia hotsoahina aminareo ireo…\u201d<\/p>\n
Amin’io ny ankizy dia mahatsapa tena ho voarohirohy…
\nFantany fa any aminy no miantefa ny fandrahonana
\nary, mba tsy hiheverany izany ho vazivazy,
\ndia hisy tanana hipetraka eo an-dohany ary hisy hiteny aminy hoe:
\n\u201cTianao ve ny hametrahana anao any amin’ny Fiahiam-Panjakana?\u201d<\/p>\n
****<\/p>\n
Tamin’io andro io ilay zaza dia nijery
\ntamin’ny masony navandravandran’ny tebiteby ,
\nmaso vonton’izay rehetra nozakainy tao anatiny tao,
\nteny mampivarahontsana,\u00a0 zavatra efa hitany…
\nTsy nitomany izy, tsy mitomany intsony izy.
\nSady angaha moa izy tsy efa lehibe ka tsy tokony hitomany intsony?
\nTsy fantany angaha fa tahaka izany foana
\nno fitenin’ny lehibe amin’ny ray aman-dreniny?
\nSaingy misy zavatra anankiray tsy azony mihitsy:
\nnahoana \u00e0ry ireny olona ireny no tsy mba miteny tahaka izany
\namin’ilay ramatoa mpivarotra enta-madinika,
\namin’ingahy mpampianatra,\u00a0 amin’ilay ramatoa mpivaro-mofo
\nna amin’i Mompera?
\nIndray andro, reny mihitsy ny resaka hoe
\ntahaka ny ankizy ny ray aman-dreniny…
\nIzay angamba ve no anaovana azy ireo\u00a0 tahaka izany?<\/p>\n
* **<\/p>\n
Nilalao baolina ilay zaza…
\nIo zaza io, tsy iza fa i Elisabeth, 8 taona.
\nNianjera izy fa tsy nikiakiaka.
\nNisy nikasika ny sandriny, fa tamin’izay, mbola tsy nitomany ihany izy,
\nsaingy lalina loatra ny fikonainainany hany ka
\nhitan’ny olona rehetra fa tapaka mihitsy ny sandriny.
\nTaitra ny renibeny, nalainy ilay zaza
\nary, avy hatrany dia nentin’ny mpiaramonina tany amin’ny hopitaly.
\nTsy nitomany mihitsy i Elisabeth teny an-dalana.
\nTsy mahazo mitomany fa efa 8 taona.<\/p>\n
***<\/p>\n
Ny hopitaly… ny efitrano fotsifotsy… ilay ramatoa miakanjo fotsy…
\nMadio ! Madio anie izany !
\nTeny mamy vitsivitsy ataon’ilay ramatoa miakanjo fotsy:
\n\u201cIza ny anaranao?\u201d \u201cAiza ianao no mipetraka?\u201d \u201cHay ve…\u201d
\nDia fahanginana.
\nHitany tampoka ny tanan’ilay zaza,
\ntanana izay hadinon’ny renibeny ny nanasa azy talohan’ny handeha,
\nnoho ny hatairana
\ntsy tsikariny io tanana io raha tsy efa fantany
\nfa avy ao amin’ilay kartie tsizarizary etsy akaiky etsy i Elisabeth.
\nDia niova feo ilay ramatoa tsara fanahy tery am-boalohany:
\n\u201c’ity lotonao e! Tsy mahamenatra ve
\nny manana tanana maloto tahaka izao?\u201d
\n\u201cTsy mahagaga!, hoy ilay ramatoa vao niditra, niakanjo fotsy,
\nmitovy daholo ry zareo avy eny, samy voretra daholo.
\nTena mahonena ny manana ray aman-dreny tahaka ireny!\u201d<\/p>\n
Teo kosa i Elisabeth
\nizay mbola tsy nitomany mihitsy hatramin’ny nianjerany
\ndia nanomboka nifokofoko…
\nNy hakelezan\u2019ny taonany,\u00a0\u00a0 ny sandriny izay naharary azy,
\nny masony toy ny masom-boronkely kaodikaody…
\nNanjavona daholo izany rehetra izany
\nmanoloana ilay tanan-jaza maloto
\navy etsy amin’ny kartie tsizarizary
\nary satria \u00a0nitomany ihany rakalakely nony farany
\ndia mbola nisy tanana indray napetraka teo amin’ny lohany
\ndia nisy niteny hoe:
\n\u201cMampalahelo ilay zazavavy kely!\u201d
\nNefa anie tsy zaza mijaly i Elisabeth.
\nEo ny reniny, eo ny rainy, samy tia azy daholo.
\nMisinkim-ponitra izy mba hampiadana azy\u2026<\/p>\n
***<\/p>\n
Tamin’ny krismasy, nolokoin’ny dadany ho an’ny saribakoliny
\nilay posety kely
\nAry indraindray, ny harivan’ny fandraisany vola,
\ndia mitondra vatomamy ho azy izy.
\nMatetika ny reniny no mihafy
\namin’izay izy sy ny anadahiny mba mihinan-kena,
\nsatria matahotra izy sao mandraiki-marary eo koa ry zareo.
\nKoa nahoana \u00e0ry ilay indray mandeha iry izy no nandre ramatoa niteny
\nmomba ny rainy sy ny reniny\u00a0 hoe:
\n\u201cIreny olona ireny ve! Tahaka ny…..
\nMiteraka betsaka izy amin’izay mahazo vola.\u201d
\nTsy azony mihitsy ilay hoe\u00a0 mihafy\u00a0 ny reniny noho izy
\nnefa koa mahazo vola noho izy.<\/p>\n
Efa henony koa tamin’ny fotoana nankarary an-drainy
\nfa nisy olona nitsara azy ho kamolahy .
\nTsy namaly ny rainy na dia kely aza, fa nony hariva ny andro,
\nalina be izy vao nody, sady nivazavaza, nivazavaza mafy dia mafy.
\nDia mba nivazavaza koa ny reniny :
\nnivazavaza tamin’ilay mpiara-monina avy any Alzeria,
\nizay tsy tokony ho niala tany mihitsy, satria io no nampisotro ny vadiny.<\/p>\n
Ny namany no nahalalan’i Elisabeth ny ampitson’iny
\nfa tany amin-dry zareo ny dadany no naha alina azy
\nary niara-nitomany tao izy roalahy.
\nTohina ianao rehefa mandre hoe lehilahy lehibe no mitomany.
\nNy ankizy ihany no noheveriny ho mitomany.
\nAngamba marina ihany ilay hoe zaza ny rainy!<\/p>\n
Manahirana ka! Lehilahy lehibe io… nefa dia zaza.
\nMihafy izy ho an-janany…
\nary noho izy ireo no ahazoany vola.<\/p>\n
***<\/p>\n
Indray mandeha koa,\u00a0 tao ambadiky ny tamboho, nisy vehivay roa niresaka
\nary nisy ampahan-dresaka nipaka tany an-tsofiny :
\n\u201c Ireny olona ireny! Tsy mba tia ny zanany,
\nTsy misy\u00a0 ifamatorany aminy afa-tsy ny kibony,
\ntena fitiavam-biby.\u201d
\nNokarohina foana izy nandritra ny andro,
\nary tsy niteny tsy nivolana nony nody ny hariva, nilanja loha.
\nMbola nangina indray koa izy.
\nNony tao am-pandriana dia henony\u00a0 tsara ny reniny
\nniteny tamin-drainy hoe:
\n\u201cTsia, tadidionao tsara, fony ianao tany amin’ny Fiahian’ny Fanjakana,
\nfahoriana tahaka ny inona moa no niaretanao tany…
\nTsia, manana ny reniny ny zanatsika;
\ntsy tiako izy handeha hilasy amin’ny fialan-tsasatra…\u201d
\nAvy eo dia nolazainy ihany ny tena antony marina:
\n\u201craha ohatra \u00e0ry izy ka tsy haveriny amintsika intsony eo?…\u201d
\nResin-tory i Elisabeth.
\nTao amin’ny nofiny, nokarohiny izay endriky ny reny tena reny,
\nnolazain’ilay ramatoa mantsy fa tsy tena izy ilay azy.<\/p>\n
***<\/p>\n
Nandeha nilasy ihany anefa i Elisabeth tamin’ny fialantsasatra.
\nTafaverina avy any Angletera niaraka tamin’ny ankizy rehetra izy.
\nTany anaty lamasinina,\u00a0 tsy nikasika sakafo izy nandritra ny andro,
\nnotahiriziny daholo na mofo , na gat\u00f4 , na vatomamy :
\n\u201chomena an’i Neny ireto.\u201d
\nNihaniadana ny fandehan’ny lamasina
\nnihovitrovitra kely dia nijanona.
\nTeny\u00a0 an-tanany, nifangaroharo daholo ny sakafo keliny…
\n\u201c Neny, hoy ny antsoantsony, Neny!\u201d.
\nNy ankizy rehetra efa teny amin’ny reniny daholo.
\nFa i Elisabeth kosa nandroso kely dia nijanona.
\nNanjoretra tampoka\u00a0 izy,\u00a0 tsy mba teo ny reniny.
\nReraka tokoa mantsy ny reniny,\u00a0 lanaky ny fitondrana vohoka fanineniny,
\ndia niditra roa volana tany amin’ny Foibe Pauline Rolland,
\ntena tsy afa-nanoatra.
\nNefa tsy fantatr\u2019 i Elisabeth izany.
\nDia natolony an’ilay vehivavy mpanabe nanaraka an-dry zareo
\nny vatomamy, ny gat\u00f4, ny mofo,
\nizay rehetra nokajiany ho an-dreniny:
\n\u201cIreto, ento ho anao\u2026\u201d<\/p>\n
\u00a0***<\/p>\n
Tao amin’ilay sady fiara no\u00a0 fonenan-dry zareo,
\ndia nisy ramatoa tonga nitsidika an’i Elisabeth sy ny reniny.
\nAry hoy ity ramatoa ity tamiko kelikely taorian’izay:
\n\u201cMahatsiravina, halan’io kalakely io ny reniny.\u201d
\nTsy novaliako izy. Tsy ilaina tsinona izany!
\nTena sarotra loatra ny manakatra ny hevitry ny zavatra sasany!<\/p>\n
<\/p>\n","protected":false},"excerpt":{"rendered":"
Tontolo iray makarakara, ka azon’ny olon-drehetra atao ny miditra hanoro, hibedy, handrahona… azon’ny olon-drehetra atao ny mitsofoka amin’itsy sy ho (…) Read more