Inn ler pou ki ena enn egalite dan bann savwar

“Responsabilite moral ek politik ek riger siantifik obliz Liniversite pou tourn li ver bann Quart Monde, pa pou ansegne, me plito pou dialoge ek aprann. Ek kan nou pe dir Liniversite, nou pe dir Liniversite avek tou so bann institision ek ramifikasion: nou pe dir Liniversite avek tou bann sitwayin ki, dan enn manier ou enn lot, ena enn bout savwar ki nou tou nou partaze. Inn ler pou ki ena enn egalite dan savwar, setadir enn egalite ant seki kone ek seki exkli. Ek sa egalite-la li enn exizans konkre ek solid; li pa enn kestion pret enn zorey bienveyan, fer sanblan ekoute, kouma enn terapi kot psikolog. Li plis enn kestion demann a enn popilasion ki anba lesel sosial pou partaz ar nou zot bann reflexion ek zot bann lexperyans; demann zot pran nou o-serye ek fer nou konfians. Bizin bien konpran seki nou pe demande la. Nou pe propoz a enn popilasion ki plonze dan linsekirite depi plizier zenerasion pran bann nouvo risk avek nou.”