Lesperans kretien pa dir ki enn dimounn pa pou tonbe zame, ou ki li refiz marse, ou mem ki li pa pou egar li dan bann moman soufrans, me lesperans kretien dir ki li refiz res ater.
Kouma Lekris, li relev li asak fwa pou kontign larout, tonbe-leve, me li pou kontign larout kan mem.
Pa zis selman pou akonplir so lavi ek seki sa dimande, me parski li kone, li, li ki viv dan lesperans, ki so langwas, so soufrans, so maler, tousa la pa enn finalite, ki apre tousa pou ena enn sanzman total lasitiasion, ki apre lamor li pou repran so plas antie kouma garson Bondie.
Tou seki li’nn viv dan so lavi lor later pou kontinie dan enn relasion partikilie avek Bondie