Niorina tamin’ny asan’ny finoana ny Firohotana. Mino ireo mpanorina azy fa : Mahita ao amin’ny tenany ny maha-zava-dehibe ny valerany ny olombelona,dia ny hasina maha-olona azy sy ny voninahiny izany; na inona na inona fomba fiainany, eritreriny, fetrany sy fahadisoany, dia mitoetra ho manan-danja sy tsy misy anombinana ny maha- olombelona. Izy no hany zava-dehibe tokana nahariana ny zavatra rehetra. Ny traikefan’ireo mpanorina no nanome azy ireo ny faharesen-dahatra fa ny olombelona, na dia mifanohitra aza ny zavatra hita ety ivelany indraindray , dia tsy mahafoy na oviana na oviana ny tena maha-olombelona azy sy ny zavatra iriany, ao amin’ny halalin’ny fony , ny rariny sy ny hitsiny, ny marina, ny fitiavana; farany, mino ireo mpanorina fa ny olombelona, na dia natao tsinontsinona aza, na faran’izay tsy notiavina aza, dia tsy mahafoy na oviana na oviana ny maha-anisan’ny fiaraha-monin’olombelona azy , ka aneken’izy ireo azy. (…) Kanefa raha samy mitondra ao anatin’ny tenany ny valera maha-izy azy tsy afa-miala aminy aza ny olona tsirairay, dia mila ny vondrom-piaraha-monina izy hahatratrarany ny hafenoiny. Ny hoaviny sy ny ankehitrininy dia mitaky ny hahitany, ao amin’ny fiaraha-monina misy azy, ireo fahefana sy ireo fahafahana mamela azy handeha hatrany amin’ ny faran’ny herin’ny tenany. Azontsika arak’izany nahoana ny Firohotana no tsy afaka mihevitra ny mahantra ho toy ny olona mitoka-monina, voahozona hanohy ny fiakarany samirery. Ny politikany dia ny hanao izay fara-heriny sy amin’ny fomba rehetra izay hankatoavan’ny vondrom-piarahamonina ny mahantra . Etsy an-daniny kosa ny vondrom-piaraha-monina dia tsy maintsy miandry azy ireo ihany koa hanaiky ny hiray hina amin’ny mpikambana tsirairay ao aminy ary handray anjara amin’ny tanjony sy ny fampandrosoany. Satria amin’ny fandraisany anjara amin’ny fampiroboroboana ny fiarahamonina misy azy ihany no hitarika azy any amin’ny fisondrotany ara-tsosialy, ara-politika, ara-tsendikàly sy ara-pivavahana. Amin’ny alalan’io no ahazoany ny hery ahafahany manatratra ny fivoaran’ny maha-olombelona feno azy.
Leave a comment