Pa milyon
zom fam zanfan
par milyon
inn mor defin
inn mor dan lamizer
nu zot eritye
pa zot lamor ki nu pe selebre zordi
lor peron laliberte
lor peron drwa de lom
pa zot lamor ki nu pe selebre
zot li vivan
nu selebre zot lavi
Nu selebre lavi tu mama
ky’ enan zanfan kondane dan lamizer
ky’ enan zanfan anplis lor later.
Nu selebre tu zanfan
ki pe sufer akoz fin
kinn perdi zot survi
me ki ankor bizin nu lamur
Nu selebre lazenes
ki nepli kone si bizin krwar si bizin viv ki pe rod so lavenir kat kote
dan enn mond ki perdi la rezon
Nu selebre laras pov pov hyer pov zordi
zordi ici dime laba
isi laba me tuzur lor koltar meprize, modi
Nu selebre lafami travayer travayer kraze anba so fardo
travayer san metye
kan so metye nepli servi nanyen
travayer lisansye
Par milyon
zom fam zanfan
par milyon
pe lite leker bate
lespri revolte kont enn move sor kinn inpoze lor zot zot kuraz merit nu respe zot diynite merit nu respe
Nu selebre zot zom fam zanfan
zot tu ki ofer zot lapriyer
zot lamur zot travay zot linite pu ki nu later vinn solider
pu ki nu later vinn enn later fertil fertil ek tu seki sakenn enan de meyer dan limem
Nu selebre zot tu zom fam zanfan zordi nu grav zot nom avek nu lekor avek nu lame avek nu zuti nu grav zot nom lor marb laliberte
Nu selebre zot tu pu ki laras imenn
alafin
refiz lamizer