“Se ki fer bann fami ek mwa plezir a sak fwa, se toultan retrouv partisipasion Lekris dan lavi bann pov. Lide pou fer bann pov partisip dan nou bann proze li existe depi toultan. Li paret pou mwa kouma enn malantandi lor kouma apros ar lareisit ant bann ris ek bann pov. Kisana bizin inspir li depi kisana? Kisana ena bann lexperyans lavi ek bann bon manier panse, ki neseser pou renouvle lemond, nou bann institision, nou relizion ek nou lafwa?
Zezi pa zis partisipe, li met li totalman dan lakominion avek dimounn, ek dan bann antretien dan lakel nou ena lazwa asiste, toultan ena enn lalimier eklatan ki sorti. Enn lalimier ki etonn nu, zisteman parski bann pov pa limit zot a enn partisipasion dan enn reflexion ki’nn gagne depi lexterye. Zot kreater enn reflexion, ki sorti depi zot lexperyans lapovrete extrem. Sa etonn natirelman bann seki ena dibien. Pou mwa, sa paret rant dan mem lozik ki Levanzil.”